Новости » Шахмат юратнă вăйă пултăр

00:00 16 февраля 2013 г.

Çак кунсенче Муркаш районĕнчи Тивĕшре пурăнакан, педагогика ĕçĕн ветеранĕ, пĕрремĕш разрядлă шахматист Лев Краснов Чăваш Сурăм шкулĕнче вĕренекенсемпе тĕл пулчĕ. Вăл хăй вăхăтĕнче Муркаш районĕнчи Тивĕш шкулĕнче ачасене географи предметне вĕрентнĕ. Лев Ефимович шахмат вăййи мĕнле пуçланса кайнине каласа пачĕ. Хăй хăçан шахматпа кăсăкланма пуçланине пĕлтерчĕ. «Шахматла вылянă чух йăнăшмасан никам та çĕнтереймест», – терĕ педагогика ĕçĕн ветеранĕ. Л.Краснов шкул ачисемпе шахмат вăййин пĕрлехи сеансне ирттерчĕ. Ку тĕл пулăва йĕркелессишĕн вырăнти «Комбинация» шахмат клубĕн ертÿçи П.Ефимов нумай тăрăшнине палăртмалла.

Л.ПЕРОВ.