00:00 26 февраля 2013 г.
Республикăра оборонăпа массăллă, спортпа патриот ĕçĕсен уйăхлăхĕ пырать.
Çак ятпа Шупашкарта регионсем хушшинче çар хĕсмечĕпе икĕ енлĕ кĕрешессипе ăмăртусем иртнĕ. Унта 66 команда хутшăннă (пурĕ 198 çын). Пирĕн районшăн Элĕк шкулĕнчи 11 «а» класра вĕренекен Светлана Егоровăпа Максим Степанов тата 11 «б» класри Дмитрий Трофимов тупăшнă. Ачасем Калашников автоматне сÿтсе пуçтарассипе, магазина патронсем тултарассипе ăмăртнă. Харпăр хăй тупăшăвĕнче М.Степанов иккĕмĕш, Д.Трофимов виççĕмĕш вырăнсене йышăннă, командăсем хушшинче вĕсем – иккĕмĕш, магазина патронсем тултарассипе – тăваттăмĕш пулнă.