00:00 27 февраля 2013 г.
Вутлан шкулĕнче «Атте, анне тата эпĕ – спорт çемйи» ятпа çемье эстафети иртрĕ. Командăра ашшĕпе амăшĕ тата вĕсен ачи пулчĕ.
Вăрманкасри Владимировсемпе Прокопьевсен тата Вутланти Андреевсен çемйисем хăйсене тĕрлĕ конкурсра тĕрĕслерĕç. «Чи вăйлисем» ята Вăрманкасри Владимировсем тивĕçрĕç. Ку ялти Прокопьевсем – чи активлисем, Вутланти Андреевсем чи çивĕччисем пулчĕç.
Эстафета çĕнтерÿçисене шкул директорĕ Л.Никандрова саламларĕ, спорт вăййисем сывă пурнăç йĕрки патне туртăнма пулăшнине палăртрĕ. Мероприяти вĕçленнĕ хыççăн ачасем сăвăсем вуларĕç.
М.АНДРЕЕВА,
вĕренекен.