00:00 02 марта 2013 г.
Шĕмшешри лавкка çĕнелсе илемленнĕ хыççăн тавар çаврăнăшĕ палăрмаллах ÿснĕ. Апат-çимĕç продукчĕсемпе тивĕçтернипе пĕрлех хушма хуçалăхра усă курмалли тавартан та татăк тăратмаççĕ Мария Удиванова заведующипе Ольга Шатрова, Вера Трофимова сутуçăсем. Кунта халăхран сĕт пуçтарассине те лайăх йĕркеленĕ. Куллен халĕ 50 çын ытла Шĕмшеш, Улăх Шĕмшеш, Туçи, Прашкушкăнь ялĕсенче пурăнакансем райпона чĕр тавар параççĕ. Светлана Алдыкина, Зинаида Федорова, Елизавета Пугачева, Алевтина Чернова, Анатолий Удиванов кашни кун 40-шер литр сутаççĕ. Сĕте Петр Алексеевич Порфирьев турттарать. Чĕр таваршăн ял çыннине апат-çимĕçпе, какайпа, строительство материалĕсемпе тивĕçтерессине йĕркеленĕ.
И.ИВАНОВА