00:00 07 марта 2013 г.
Çак кунсенче район администрацийĕн пуçлăхĕ А.Куликов Янкурас ялĕнчи Матрена Александровна Озерована 90 çулхи юбилей ячĕпе саламларĕ, РФ Президенчĕн В.Путинăн салам çырăвне пачĕ.
Матрена Александровна 1923 çулхи мартăн 4-мĕшĕнче нумай ачаллă çемьере çуралса ÿснĕ. 7 класс пĕтернĕ. Вăрçă пуçлансан тылра ĕçлеме тивнĕ. Жданов ячĕллĕ, «Аликовский» совхозра хăйĕн тÿпине хывнă. Мăшăрĕпе 5 ачана пăхса çитĕнтерсе ура çине тăратнă. М.Озерова ĕç ветеранĕ шутланать. Ăна чылай медальпе наградăланă.
Çулĕсем пур пулин те иртнĕ вăхăтсене лайăх ас тăвать. Çутă кăмăл-туйăмпа пурăнать.