10:50 24 апреля 2013 г.
Шупашкар хулинче Раççей Федерацийĕн Пенси фончĕн Чăваш Республикинчи
уйрăмĕнче шкул ачисем хушшинче «Манăн пулас пенси» темăпа пĕрремĕш олимпиада
иртрĕ. Олимпиадăн пĕрремĕш тапхăрĕ районсенче пулчĕ. Вĕренекенсем «Пулас пенсие
ÿстерес мелсем» электронлă презентацисем хатĕрлерĕç. Иккĕмĕш тапхăра тухнисем
республикăра пенси саккунĕсене пĕлнине кăтартса пачĕç. ЧР Вĕренÿ министрĕн çумĕ
С.В.Петрова, Раççей Федерацийĕн Пенси фончĕн Чăваш Республикинчи управляющийĕ
Р.А.Кондратьева çĕнтерÿçĕсене саламларĕç.
Мăн Вылăри вăтам шкулта 9-мĕш класра вĕренекен Инесса Шашкина олимпиадăн пур
тапхăрне те ăнăçлă тухрĕ, лайăх пĕлÿ кăтартрĕ. Унăн «Вĕренÿпе наука» ĕçне Пенси
фончĕн регионти уйрăмĕн ĕçченĕсем пысăк хак пачĕç, нетбук парнелерĕç.
Г.ИВАНОВА,
вĕрентекен.
АУ "Редакция Аликовской районной газеты "По жизненному пути"