11:10 31 мая 2013 г.
Районти хуçалăхсенче çĕр улми лартасси вăй илсех пырать. Майăн 27-мĕшĕ тĕлне
илсен, «иккĕмĕш çăкăра» 791 гектар (60,1 процент) лартнă.
В.Узянов ертсе пыракан хресчен-фермер хуçалăхĕнче хĕрÿ ĕç шавĕ юлашки
гектарсене куçнă, çĕр улми 115 гектар (92 процент) лартнă. «Чăваш Енри ял
хуçалăх продукчĕсем» обществăра çак ĕçе 118 гектар (79 процент), «Журавлев»
хресчен-фермер хуçалăхĕнче 125 гектар (63 процент), С.Волков ертсе пыракан
хресчен-фермер хуçалăхĕнче 140 гектар (55 процент) пурнăçланă.
Кăçал пахча çимĕç лаптăкне ÿстернĕ. Пĕлтерхи 43 гектар вырăнне 56 гектар
акнă-лартнă. Ку енĕпе С.Волковăн хресчен-фермер хуçалăхĕ лайăх ĕçлет, кунта
пахча çимĕçсем 25 гектар йышăнаççĕ.
Ял хуçалăх культурисене пăхса ÿстерес енĕпе ĕçсем малалла пыраççĕ. Калча
уйĕсене химилле препаратсемпе 1315 гектар имçамланă. «Новый путь», «Алмаз»,
«Агрофирма», «Рабия» хуçалăхсенче ĕçе лайăх йĕркеленĕ.
АУ "Редакция Аликовской районной газеты "По жизненному пути"