11:41 03 июня 2013 г.
Районта çурхи призыв тапхăрĕ пуçланчĕ. Майăн 28-мĕшĕнче 8 çамрăка çара
савăнăçлă лару-тăрура ăсатрĕç.
Вĕсене салтак пурнăçĕнче ăнăçу сунса район администрацийĕн пуçлăхĕ А.Куликов
çапла каларĕ: «Службăра тăнă чух командирсем вĕрентсе пынине пĕтĕмпех ăнланса,
ас туса юлма тăрăшăр. Хушнă ĕçе кирлĕ пек пурнăçлăр». ЧР çар ĕç комиссариачĕн
Муркаш тата Элĕк районĕсен пайĕн пуçлăхĕ А.Кочуров яшсен çартан хăрама кирлĕ
маррине ăнлантарса пачĕ, ăнăçу сунчĕ.
Александр Алексеевич пĕлтернĕ тăрăх, кăçалхи призывра пĕрремĕш хут çара
каякансем Мускав хулинчи чаçе лекĕç.
Л.ПЕРОВ.
АУ "Редакция Аликовской районной газеты "По жизненному пути"