Новости » Çилпе вĕçсе кайнă сывлăх

10:22 05 июня 2013 г.

Юнтапари вăтам шкулта çу уйăхĕн вăтăр пĕрремĕшĕнче аслă классем хушшинче
«Пирĕн пурнăçра чĕлĕм валли вырăн çук» акци ирттернĕ. Пĕтĕмĕшле практика врачĕн
офисĕн медицина сестри А.Афанасьева çамрăксене «Çилпе вĕçсе кайнă сывлăх» ятпа
астумалăх çырнине валеçсе тухнă. Вĕренÿ учрежденийĕн социаллă педагогĕ
С.Константинова вĕренекенсемпе тестсем ирттернĕ, чĕлĕм организма мĕнле сиен
кÿнине курăмлă пособисемпе усă курса ăнлантарнă. «Çула çитмен çамрăка чĕлĕм тата
алкоголь продукцине сутакансене хирĕç пурин те пĕрле кĕрешмелле. Кун йышши
тĕслĕхсем çинчен массăлла информаци хатĕрĕсем урлă пĕлтермелле тата пĕрле сÿтсе
явмалла. Ачасен сывлăхĕ çинче тупăш илекенсене тупса палăртас тĕллевпе ятарлă
рейдсем йĕркелемелле», – палăртнă педагог тĕл пулура.

А.ПОРФИРЬЕВА.

АУ "Редакция Аликовской районной газеты "По жизненному пути"