11:14 19 июня 2013 г.
Кăçалхи Акатуйра ал ĕç ăстисен куравĕ те пулчĕ. Ял тăрăхĕсем «Элĕк çĕрĕн
ăстисем» конкурсра хăйсен пултарулăхне кăтартрĕç. Курава вĕсем культура
учрежденийĕсемпе пĕрле йывăçран касса кăларнă илемлĕ япаласем, тĕрĕ-эрешсем,
çăмран, пир-авăртан ăсталанă теттесем, тĕртсе тунă хайласем, хитре ÿкерчĕксем
тата ытти темтепĕр илсе килнĕ.
Жюри пурин ĕçне те çирĕп хакласа пахаларĕ. Мăн Вылă ял тăрăхĕ «Гран-при»
çĕнсе илчĕ. Пĕрремĕш вырăн – Элĕк, Ехремкасси, Ураскилт, Тени ял тăрăхĕсен.
Крымсарайка, Питĕшкасси, Тавăт, Чăваш Сурăм ял тăрăхĕсем – иккĕмĕшсем. Виççĕмĕш
вырăнта – Йăлкăш тата Юнтапа ял тăрăхĕсем. Шĕмшешсем «Куракансен киленÿ призне»
тивĕçрĕç. Конкурс çĕнтерÿçĕсемпе призерĕсене укçан парнесем парса
хавхалантарчĕç.
АУ "Редакция Аликовской районной газеты "По жизненному пути"