09:58 03 июля 2013 г.
Тутарстанăн тĕп хулинче – Хусанта Раççей Федерацийĕнчи юниорсен черетлĕ
чемпионачĕ иртрĕ. Унта пирĕн районти Тимĕрçкасси ялĕнчи Надя Федорова та
хутшăнчĕ.
Надя кун пек çивĕч ăмăртусенче пĕрре çеç мар хăйĕн пултарулăхне кăтартать.
Хальхинче вăл пурне те çĕнтерсе виççĕмĕш хут Раççей чемпионĕ пулса тăчĕ, спорт
мастерĕн нормине тултарчĕ.
Ентешĕмĕр кĕçех Раççей командин йышĕнче Италире иртекен Европа чемпионатне
хутшăнĕ. Вăхăчĕ нумаях юлман – чемпионат утă уйăхĕн 18-20-мĕшĕсенче пулать. Надя
халĕ континентри тупăшусене тăрăшсах хатĕрленет. Унăн ĕмĕчĕ-тĕллевĕ –
чемпионатра лайăх кăтарту тăвасси.
Г.ПЕТРОВ
АУ "Редакция Аликовской районной газеты "По жизненному пути"