11:53 26 августа 2013 г.
1963 çулхи августăн 14-мĕшĕнче Тăвăш Юнтапари Георгий Христофоровичпа Роза
Илларионовна çемье çавăрнă. Унтанпа çур ĕмĕр иртнĕ.
Çулсене хыçа хăварнă май, Христофоровсенче юратупа шанăç тата пĕр-пĕрне
хисеплес туйăм ытларах та çирĕпленнĕ. Иккĕшĕ те тăван хуçалăхра вăй хунă.
Мăшăрсем виçĕ ача ÿстерсе пурнăçăн анлă çулĕ çине кăларнă.
Ылтăн туй кунĕнче Христофоровсен çемйинче хаваслăх илтĕнсе тăнă. Юбилярсене
ачисем, мăнукĕсем, тăванĕсем саламланă. Вĕсем ырлăх-сывлăх, телей суннă.
В. ГЕРАСИМОВ.
АУ "Редакция Аликовской районной газеты "По жизненному пути"