Новости » Çул-йĕр правилисене шĕкĕлчерĕç

09:16 28 августа 2013 г.

Хăвăртлăх тĕнчинче пурăнатпăр паян. Çавăнпа та пирĕнтен кашниех çул-йĕр
хăрушсăрлăхĕн правилисене пĕлме тивĕç. Ачасем хушшинче çул-йĕр правилисене
пропагандăлас, урамсенче çÿренĕ чухне хăрушсăрлăха ÿстерес тĕллевпе Йăлкăшри
библиотекăра турнир иртнĕ. Ăна «Çул-йĕр правилисене лайăх пĕлетĕп» ятпа
йĕркеленĕ. Мероприяти пуçламăшĕнчех çамрăк вулакансемпе тĕрлĕ транспорт
хатĕрĕсемпе хăçан усă курма пуçланине аса илнĕ. Тавçăруллисен турнирĕнче ачасем
хăйсем çул-йĕр правилисене мĕнле пĕлнине кăтартса панă, тавра-курăмне тĕрлĕ
конкурссенче ÿстернĕ. Пĕчĕккисене уйрăмах «Зебра» эстафета килĕшнĕ. Мероприяти
вĕçĕнче пурте «Шкула каймалли çул» хаваслă вăййа хутшăннă. Таня Червякова, Женя
Илларионов, Кристина Петрова, Таньăпа Оля Егоровăсем чи пултаруллисем пулнă.

АУ "Редакция Аликовской районной газеты "По жизненному пути"