Новости » Утă капанĕ çуннă

09:17 28 августа 2013 г.

Çурла уйăхĕн 23-мĕшĕнче каçхине Мăн Вылăри сĕт комплексĕ çывăхĕнче çулăм
алхаснине çамрăксем асăрханă. Хĕлле валли хатĕрленĕ утă капанĕ çунни çинчен
хуралçăна пĕлтернĕ. Анчах инкек пулнă вырăна пушар хуралĕнчен тата Мăн Вылăран
ирĕклĕ пушар дружинин автотранспорчĕ çитиччен утă урине талккишпех «хĕрлĕ автан»
çавăрса илме ĕлкĕрнĕ. Ятарлă техника пушар патне çывăха та пырайман. Вут-çулăмра
710 тюк çунса кĕлленнĕ. Ульянов ячĕллĕ хуçалăхăн 21 тонна ытла выльăх апачĕ тĕп
пулнă.

Элĕкри пушар надзорĕн инспекторĕсемпе çийĕнчех инкек сăлтавне тĕпчерĕç.
Хуларан килнĕ экспертсем те тĕрĕслев ирттерчĕç. Сăлтавĕ кĕçех уçăмланĕ.

С.ПЕТРОВ,

полици уйрăмĕн шырав ушкăнăн

оперуполномоченнăйĕ.

АУ "Редакция Аликовской районной газеты "По жизненному пути"