14:06 02 сентября 2013 г.
Çак кунсенче Тури Хурасанти Надежда Осипова 90 çул тултарчĕ. Юбилей ячĕпе ăна
район администрацийĕн пуçлăхĕн çумĕ – вĕренÿ пайĕн начальникĕ Э.Николаев тата
ыттисем саламларĕç.
Н.Осипова Тури Хурасанта 1923 çулхи августăн 25-мĕшĕнче çуралнă. Ачаллах
колхоз ĕçĕпе туслашнă. Хăйĕн пурнăçне вăл «Сорма» хуçалăхпа çыхăнтарнă. Унăн
пĕтĕмĕшле ĕç стажĕ – 50 çул. 1953 çулта Ирина хĕрне кун çути парнеленĕ. Ăна
тивĕçлĕ воспитани пама пултарнă. Надежда Осиповна нумай çул тÿрĕ кăмăлпа
ĕçленĕшĕн медальсене тивĕçнĕ.
Çывăх çыннисене, тăванĕсене чун-чĕререн юратни тата хисеплени пурнăçри
йывăрлăхсене сирме пулăшнă. Халĕ вăл кашни çутă куна савăнса ирттерет.
АУ "Редакция Аликовской районной газеты "По жизненному пути"