14:07 02 сентября 2013 г.
Вутлан ялĕнчи Анатолий Егорович Егоров художник, столяр, плотник тата
скульптор. Вăл вăрçăра вилнисене асăнса ялта хăйĕн проекчĕпе темиçе çул каялла
палăк туса лартрĕ. Вутланти культура çуртĕнче, Татмăш ял клубĕнче паттăрсене
халалласа стендсем йĕркелерĕ. Халĕ сакăр вунă çула çитрĕ пулин те, кашни кун
темиçе çухрăм утать. Элĕк пасарне те çуран кайса килет.
Анатолий Егорович пахчаçă та. Анкартинче арбус, иçĕм çырли, тĕрлĕ сортлă
помидор çитĕнтерет. Хисеплĕ ветеран Вутланти культура çуртĕнче нумай çул ĕçлерĕ.
Ял çыннисем ăна тĕрлĕ спектакльсенче вылянипе лайăх ас тăваççĕ. Реквизитсем те
хăех хатĕрленĕ.
Маттур та пултаруллă çынна телей сунас килет.
А. ГОРШКОВ.
АУ "Редакция Аликовской районной газеты "По жизненному пути"