Новости » Сад çимĕçĕпе савăнтарать

15:50 09 сентября 2013 г.

Юнтапари вăтам шкул çумĕнчи пахча çимĕç сачĕ тĕрлĕ çырласемпе, панулмисемпе
савăнтарать. Вăл темиçе ăрури педагогсемпе вĕренекенсен пархатарлă ĕçĕ.
Йывăç-тĕм лартса ÿстернĕ чухне чи малтанах унăн сĕткенлĕ çимĕçĕ çинчен
шутлатпăр. Çуркунне куçа тыткăнлакан çеçкисемпе киленетпĕр. Юнтапа шкулĕ çумĕнчи
пахча çимĕç садне кунта биологипе хими предмечĕсене вĕрентнĕ Надежда Антиповна
Платонова йĕркелесе янă. Хисеплĕ педагогăн вĕренекенĕсем халĕ те ăна ырăпа
асăнаççĕ. Юратнă учитель юпа уйăхĕнче 89 çул тултарать. Паян та шкулта пĕлÿ
илекенсем педагог-ветерансен йăли-йĕркине пăхăнаççĕ. Технологи вĕрентекенĕ
Светлана Константинова ертсе пынипе сада пăхса тăраççĕ, çĕнĕ тĕмсемпе
пуянлатаççĕ.

АУ "Редакция Аликовской районной газеты "По жизненному пути"