11:12 16 сентября 2013 г.
«Симĕс çĕленпе» туслашни нихăçан та ырри патне илсе çитермест. Çакна
ăнланатпăр пулин те преступлени çулĕ çине чылайăшĕ тăрать. Акă пĕрисем кăçалхи
вĕренÿ çулне самаях паллă тунă. Сентябрĕн пĕрремĕшĕнче Смородино ялĕнче
пурăнакан В. хăйĕн саккунлă мар мăшăрĕн тăван амăшĕпе хирĕçме тытăннă. Арçынпа
хĕрарăм хăнаран каçхине çеç таврăннă. Иккĕшĕ те ÿсĕрĕлмеллех эрех ĕçнĕ. П. киле
килсен тÿрех çывăрма выртнă. Арçыннăн вара ыйхи вĕçнĕ-ши; 1937 çулта çуралнă
В.-па тавлашма тытăннă. Сăмах хыççăн сăмах. Ватăна кÿрентерни çитмен, хунямăшне
кĕтесе тăратса мăйĕнчен ярса тытнă, пăвма пуçланă. Çитмĕл улттăри хĕрарăм тем
пек кăшкăрсан та, ÿкĕтлесен те В. татах урса, тарăхса кайнă, вĕлерессипе
хăратнă. Вăл ватăна пÿртри алăкран тĕксе кăларнă.
А.СИДОРОВ,
участок уполномоченнăйĕ.
АУ "Редакция Аликовской районной газеты "По жизненному пути"