08:02 23 сентября 2013 г.
Анкартинче ĕçсем пушаннă хыççăн пушă вăхăт та тупăнать. Çак кунсенче Вырăс
Сурăм ял библиотекинче ал ĕç кружокĕ тепĕр хут ĕçлеме пуçларĕ. Тĕллевĕ пĕрре –
ялта пурăнакансене пĕр-пĕринпе çывăхлатасси тата ăсталăха ыттисем патне
çитересси.
Занятисене библиотека заведующийĕ Надежда Волкова нумай çул йĕркелесе пырать.
Кружока активлă çÿрекенсен йышĕнче Лидия Семеновна Николаева, Галина Васильевна
Николаева, Дина Савастьяновна Николаева тата ыттисем те. «Варкăш» ансамбльте
юрлакансем те ал ĕç ăстисем пулса тăнă. Вĕсем йĕппе тата çекĕлпе çыха ççĕ.
Материалсене хăйсем тупаççĕ.
К.ПЕРОВ.
АУ "Редакция Аликовской районной газеты "По жизненному пути"