Новости » Леонтьевсем - çĕнтерÿçĕсем

09:33 25 сентября 2013 г.

Республикăри ача-пăча библиотекинче «Чи нумай вулакан çемье» конкурс
çĕнтерÿçисене чысларĕç. Элĕк салинче пурăнакан Леонтьевсем пур çĕрте те
активлăхпа палăраççĕ. Вĕсем район шайĕнче иртнĕ «Вулакан çемье – 2013» конкурсра
çĕнтернĕ. Республика конкурсне хутшăнса та малтисен йышне лекнĕ Леонтьевсем.
Çемье пуçĕ С.Леонтьев «Хĕлхем» ачасемпе çамрăксен спорт шкулĕн директор çумĕнче
ĕçлет, мăшăрĕ М.Леонтьева Элĕк шкулĕнче ачасене чăваш чĕлхипе литературине
вĕрентет. Еленăпа Юлия хĕрĕсем те кĕнекепе мĕн ачаран туслă. Вĕсем Элĕк шкулĕнче
пĕлÿ илеççĕ. Леонтьевсен çемйи районти тата республикăри мĕн пур мероприятисемпе
конкурссенче активлăх кăтартать. «Çемьери вулав йăлисене сыхласа хăварасси»
номинацире иккĕмĕш степеньлĕ диплома тивĕçнĕ. Çавăн пекех Леонтьевсен туслă
çемйине Республикăри хĕрарăмсен канашĕ конкурсра палăрнăшăн тав сăмахĕ каланă.

АУ "Редакция Аликовской районной газеты "По жизненному пути"