13:25 03 октября 2013 г.
Владислав Герасимов Тăвăш Юнтапа ял клубĕнче вунă çул ытла тăрăшать.
Тĕп-тĕрĕс каласан, 2002 çулхи юпа уйăхĕн 16-мĕшĕнче пуçăннă вăл хăй юратнă çак
ĕçе, заведующире тимлеме тытăннă.
Ăçта кăна çитмен пуль Владислав: районсенчи, хуласенчи, регионсенчи
пултарулăх фестивалĕсенче хăйĕн ăсталăхне кăтартать.
Владислав Герасимов – ку ялтанах, Тăвăш Юнтапаран. Шкулта вĕреннĕ чухнех ял
пурнăçĕпе кăсăкланнă, пуринпе те пĕрле пулма тăрăшнă.
1991 çулта 34-ри йĕкĕт Чулкаç Юнтапари Тамара Шорниковăпа туй кĕрлеттерсе
пĕрлешет те лайăх çемье çавăрать. Килĕштерсе пурăнаççĕ мăшăрсем. Кашни çул ял
уявне йĕркелесе ирттереççĕ Герасимовсем. Тăван ял çыннисене, тавраран пуçтарăннă
хăнасене хаваслă юрă-ташăпа савăнтараççĕ.
Тăвăш ялĕнчи клуб ертÿçи Владислав Герасимов Элĕкри «Валинке» халăх фольклор
ансамблĕпе те туслă.
Г.ГЕННАДЬЕВ.
АУ "Редакция Аликовской районной газеты "По жизненному пути"