10:15 16 октября 2013 г.
Элĕкри тĕп библиотекăра куç енĕпе сусăррисене пĕрлештерекен «Очаг» пĕрлешĕвĕн
черетлĕ занятине Муркашри вырăнти организаци председателĕ А.Михайлова уçрĕ.
Анастасия Димитриевна пухăннисене клубăн кăçалхи тăваттăмĕш кварталти ĕç планĕпе
паллаштарчĕ.
Вулав залĕн библиотекарĕ А.Егорова октябрьти халăх праçникĕсем çинчен каласа
пачĕ. Паллăраххи – Пукрав кунĕ. «Очаг» клуб членĕсем ку уявăн йăли-йĕркисем
çинчен пĕлчĕç. Вĕсем çак уйăхри халăх сăнавĕсене те аса илчĕç.
Мероприяти тĕлне кĕркуннене халалласа кĕнеке куравĕ йĕркеленĕ. Унпа З.Удякова
паллаштарчĕ. Занятие килнисене «Копилка народных премудростей» кĕнеке те
интереслентерчĕ.
АУ "Редакция Аликовской районной газеты "По жизненному пути"