10:17 16 октября 2013 г.
Çак кунсенче районти ветерансен «Ветеран» халăх хорĕ тĕп хулари «Салют»
культура керменĕнче концерт кăтартрĕ. Чи малтанах эпĕ районти ветерансен
организацийĕ çинчен каласа патăм, «Ветеран» хорĕн ĕçĕ-хĕлĕпе паллаштартăм.
К.Степанова Элĕкри ватăсен шкулĕ мĕнле ĕçлесе пыни çинчен каларĕ. «Спешите
делать добрые дела» ятлă сăвăна вуларĕ. Çавăн пекех Р.Андреева, И.Васильев
хăйсен сăввисемпе хула ветеранĕсене саламларĕç. Хор чăваш тата вырăс юррисене
шăрантарчĕ. В.Корнилова, З.Лукишова, З.Данилова, Н.Васильев уйрăмах ăсталăхпа
палăрчĕç. Музыка инструменчĕсенчен йĕркеленĕ ансамблĕн кĕввисем куракансене
тыткăнларĕç. Концерт ăнăçлă иртрĕ. «Эсир чунтан шăрантарнă юрăсем питĕ
килĕшрĕç», – терĕç куракансем.
А.ТИМОФЕЕВ,
районти ветерансен канашĕн председателĕ.
АУ "Редакция Аликовской районной газеты "По жизненному пути"