09:07 21 октября 2013 г.
Ăшă пиллĕ те ырă кăмăллă çынсем ватăлмаççĕ, вĕсен кун-çулĕ вăрăм, теççĕ. Тури
Кăканарти Анна Павловнăна пăхсан çак сăмахсем чăнлăхпа пĕр килнине туйса илетĕн.
Тин кăна вăл хăйĕн 90 çулхи юбилейне паллă турĕ.
Район администрацийĕн пĕрремĕш çумĕ Л.Никитина юбиляра паллă кун ячĕпе сума
суса Рф Президенчĕн саламĕпе чысларĕ, телейлĕ ватлăх сунчĕ.
«Шăпана эпĕ нихăçан та ÿпкелемен», – тет ветеран.
Пурнăç вара ăна чăннипех тĕрĕсленĕ. Вăрçă çулĕсенче Архангельск облаçĕнче
вăрман каснă. Тăван яла таврăнсан та ĕçрен уйрăлман. Мăшăрĕпе Нестер
Степановичпа çичĕ ача çуратнă, анчах та виççĕшĕ çут тĕнчерен вăхăтсăр уйрăлса
кайнă. Çавах та Анна Малинина хуçăлман, ачисене ура çине тăратнă, тăван колхозра
ырми-канми вăй хунă.
АУ "Редакция Аликовской районной газеты "По жизненному пути"