09:43 28 октября 2013 г.
Çĕр-шывăн тĕп хулинче – Мускаври ачасемпе çамрăксен пултарулăх керменĕнче «Чи
лайăх çыру урокĕ» ятпа Пĕтĕм Раççейри конкурс иртнĕ. Унта Юнтапари пĕтĕмĕшле
вăтам пĕлÿ паракан шкул педагогĕ Альжбета Николаевна Краснова та хутшăннă.
Финала пĕтĕм çĕр-шывран конкурсра призлă вырăнсене çĕнсе илнĕ вĕренекенсемпе
вĕрентекенсем пухăннă. Кусем вĕсем – пултаруллисенчен те пултаруллисем. Ара,
конкурс пынă вăхăтра, 2012 çулхи юпа уйăхĕнчен пуçласа кăçалхи çурла уйăхĕччен,
пурĕ 110 пин ытла пултарулăх ĕçĕ пырса çитнĕ вĕт-ха. Мускаври М.В.Ломоносов
ячĕллĕ патшалăх университечĕн ректорĕ Виктор Садовничий ертсе пыракан жюри
вĕсенчен чи лайăххисене суйласа илнĕ.
Пĕтĕм Раççейри конкурс темисем тĕрлĕрен пулнă. Альжбета Николаевна тĕп
хуларан çĕнтерÿпе таврăннă.
АУ "Редакция Аликовской районной газеты "По жизненному пути"