11:57 30 октября 2013 г.
Мĕнлерех тетĕр-и; Юнтапа шкулĕнче «Электротехника» кружок уçăлнă та ачасем
физикăпа математика предметне вĕрентекен А.Ананьева ертсе пынипе тем хушăрах
робот ăслайĕсене алла илнĕ. Альбина Анатольевна Чăваш патшалăх педагогика
университечĕн физикăпа математика факультетĕнче пĕлÿ пухнă, вăл – чи аслă
квалификаци категориллĕ вĕрентекен, педагогика ĕçĕн стажĕ – 29 çул.
«Электротехника» кружока 8-10 классенче вĕренекенсем тунти кунсемпе юн
кунсерен уроксем хыççăн çÿреççĕ. Çамрăксем роботсем ăсталаççĕ, вĕсене
программăлаççĕ. Ку енĕпе 10 класра вĕренекен Борис Ахметкин пуринчен те ытларах
палăрса тăрать. Унăн робочĕ темĕн те тума пĕлет: мечĕкпе вылять, çырма урлă
каçать тата ытти те.
Кружока çÿрекенсем роботпа ĕçлеме хăнăхсах пыраççĕ.
АУ "Редакция Аликовской районной газеты "По жизненному пути"