Новости » Республикăра - виççĕмĕш

07:49 05 ноября 2013 г.

Республикăри 17 районти 600-е яхăн вĕренекен «Йывăç ларт та ăна сыхласа
хăвар» акцин кĕркуннехи тапхăрне активлă хутшăннă. Çавăн пекех шкул ачисем
унччен лартнă тĕм-хунавсем йĕри-тавралли çĕре кăпкалатнă, çум курăксенчен
тасатас ĕçре 350-ăн тăрăшнă. Вĕренÿ учрежденисен питомникĕсенчен 3000-е яхăн
йывăç-тĕм куçарса лартнă. Асăннă акцие республикăри 97 шкул хутшăннă. Пĕтĕмĕшле
çитĕнекен ăру ялсенче, шкул çумĕнчи лаптăксенче, çырма-çатрара 51000 хунав
лартнă. Республикăри шкул ачисем хушшинче йывăç-тĕм лартассипе ирттернĕ
конкурсра пирĕн районти Питĕшкассинчи вăтам шкул виççĕмĕш вырăн йышăннă. Районта
акцие 400-е яхăн вĕренекен хутшăннă. Ачасем 1000-е яхăн çамрăк хунав лартнă. Çак
ĕçре педагогсем те хăйсен тÿпине хывнă.

АУ "Редакция Аликовской районной газеты "По жизненному пути"