08:26 18 ноября 2013 г.
Театр коллективĕсен «Мельпомена асамлăхĕ» уçă фестиваль-конкурс малалла
пырать. Районсенчи хăй тĕллĕн вĕреннĕ артистсем тĕрлĕ спектакльсемпе сцена çине
тухаççĕ. Юн кун Хĕрлĕ Чутай районĕнчи Çеренкасси ялĕнчи драма коллективĕ Николай
Пономарев çырнă «Эх, пурнăç – мыскара...» икĕ пайлă камите кăтартрĕ. Артистсем
хăйсен ролĕсене ăста калăплама тăрăшрĕç. Зала халăх тулли пухăнчĕ.
Ноябрĕн 16-мĕшĕнче çĕмĕрлесем – «Çĕнĕ ĕмĕрти хуняçа», муркашсем «Кантăкран
шаккарĕ хамăр ял каччи» спектакльсемпе халăх умне тухĕç.
Фестиваль-конкурс пултарулăх ушкăнĕсен ăсталăхне ÿстерме пулăшать. Жюри
членĕсем кашни коллектива тивĕçлĕ хак парĕç.
Л.СЕМЕНОВА.
АУ "Редакция Аликовской районной газеты "По жизненному пути"