Новости » Уçă турнира тĕрлĕ районтан килнĕ

08:27 18 ноября 2013 г.

Çак кунсенче шашка-шахматла выляссипе Элĕк районĕн уçă турнирĕ иртнĕ. Унта
тăхăр районти спорта юратакан 28 çын хутшăннă, вĕсен йышĕнче тĕрлĕ ăмăртусенче
палăрнисем те пулнă. Кашниех мала тухассишĕн ăнтăлнă. Вун виçĕ очко пухса
пĕрремĕш вырăна Вăрнар райадминистрациĕнче ĕçленĕ В.Наумов çĕнсе илнĕ. Иккĕмĕш
вырăна Çĕмĕрле районĕнчи В.Мясников йышăннă. Виççĕмĕшĕнче – Вăрмар районĕнчи
Н.Дмитриев. Элĕксенчен райпора ĕçлекен Б.Кириллов палăрнă. Вăл тăваттăмĕш вырăна
тухнă.

Çĕнтерÿçĕсем Тутар республикинче иртекен шашка-шахмат турнирне кайма тивĕçнĕ.
Унти вăйăсене пирĕн районти Б.Кириллов та хутшăнĕ.

Г.ГЕННАДЬЕВ.

АУ "Редакция Аликовской районной газеты "По жизненному пути"