14:56 20 ноября 2013 г.
Шкул çулне çитменнисемпе кĕçĕн класра вĕренекенсем хушшинче ирттернĕ «Çут
çанталăкпа ачасем пĕр планета çинче» республикăри пултарулăх конкурсĕн
пĕтĕмлетĕвĕ пулнă. Унта пурĕ 20 районпа 5 хуларан 2170 вĕренекен хутшăннă.
Республика тапхăрне муниципалитетсем хушшинче çĕнтернĕ 690 ĕç тăратнă. Сăн
ÿкерчĕксенче ачасем килти чĕр чунсене çеç мар, вăрманта пурăнаканнисене те
сăнланă.
«Эпĕ планетăна йĕркене кĕртрĕм» фоторепортажра шкул ачисем çут çанталăка
сыхласси çинчен каласа панă. Çавăн пекех пĕвесемпе юхан шывсене пăхса тăнине,
йывăçсем лартнине тата шкул çумĕнчи лаптăкра ĕçленине ÿкерчĕксенче палăртнă.
Асăннă номинацире Элĕк шкулĕнче 2 «б» класра пĕлÿ илекен Александр Петухов малти
вырăна тухнă.
АУ "Редакция Аликовской районной газеты "По жизненному пути"