14:56 20 ноября 2013 г.
Элĕк районĕнче театр коллективĕсен фестивалĕ пуçланнă. Театр культурине
аталантарас тĕллевпе йĕркеленĕ конкурса ачасемпе çамрăксем, аслисем, пултарулăх
ушкăнĕсем хутшăнаççĕ.
Фестивалĕн пĕрремĕш кунĕнчех Ишпарайкăри культура çуртĕнче пĕрремĕш спектакль
кăтартнă. Вырăнти артистсем ял халăхне «Нуша кулач çитерет» пьесăпа савăнтарнă.
Тавăтри информаципе культура центрне те театра юратакансем пухăннă. Вĕсем
«Çÿпçипе хупăлчи» тата «Мухтанайкин авланать» камитсене курса киленнĕ. Кĕçĕн
Тăван клубĕнче драма кружокне çÿрекенсем Николай Айзманăн хайлавĕ тăрăх «Кай,
кай, Ивана» спектакль лартнă, çавăн пекех куракансене «Праски инке хĕр парать»
камитпе паллаштарнă. Фестиваль программипе килĕшÿллĕн театр уявĕсем ытти ял
тăрăхĕсенче те иртĕç, чи хастаррисемпе маттуррисен ячĕсем каярах паллă пулĕç.
Е.АНДРЕЕВ.
АУ "Редакция Аликовской районной газеты "По жизненному пути"