Новости » Йăлкăшсем диплома тивĕçрĕç

14:58 20 ноября 2013 г.

Иртнĕ шăмат кун Чăваш Сурăмĕнчи «Комбинаци» шахмат клубĕнче Йăлкăш тата Чăваш
Сурăм ял тăрăхĕсенчи шахматçăсен командисен туслăх вăййи иртрĕ. Кашни командăран
тăватшар шахматçă вылярĕ. Мат икĕ туртан пулчĕ, тĕл пулу 4:4 шутпа вĕçленчĕ.
Анчах та хăнасен шахматçи Алексей Степанов пĕрремĕш хăма çинче икĕ турĕнче те
выляса илме пултарнăран Йăлкăш команди çĕнтерÿçĕ пулса тăчĕ, ял тăрăхĕн пуçлăхĕн
дипломне тивĕçрĕ. Шахматçăсем хăйсен вăййине Тавралăха сыхлас çулталăка
халалларĕç, малашне те çакăн пек тĕл пулусем çулсерен ирттерме йышăнчĕç. Çак тĕл
пулура Йăлкăш ял тăрăхĕн пуçлăхĕ В.Н.Матвеев та пулчĕ, шахматçăсен вăййине
сăнарĕ.

П.ЕФИМОВ,

Чăваш Сурăмĕнчи шахмат клубĕн ертÿçи

АУ "Редакция Аликовской районной газеты "По жизненному пути"