Новости » Ачисем - пурнăç тĕллевĕ

08:59 27 ноября 2013 г.

Çемьери тăнăçлăх хĕрарăмпа танах арçынтан та килни паллă. Пĕр чĕлхерен пурăнсан çеç килти ăшша упраса хăварма, ачасене тивĕçлĕ воспитани пама пулать. Ураскилт тăрăхĕнчи Мăн Тукташри Ефимовсем вырăнта ырăпа палăраççĕ. Геннадий Михайлович Элĕкри коммуналлă хуçалăхра водительте тăрăшать. Марина Ивановна килти ĕç-хĕлшĕн яваплă. Кунсăр пуçне пĕчĕк шăпăрлансене тăватă ача амăшĕн сахал мар тимлĕх уйăрмалла. Ефимовсем тăватă тĕпренчĕке кун çути панă. 2003 çулхи Дмитрий Ураскилт шкулĕнче виççĕмĕш класра пĕлÿ илет, Светлана иккĕмĕшне çÿрет. 2007 çулхи Каринăпа кăçал çуралнă Сергей килте. Кĕçĕннисемпе М.Ефимова ытларах вăхăта ирттерет пулсан Геннадий Михайлович аслисемпе килти ĕçсене пурнăçлать.

З.АЛЕКСАНДРОВА,

Ураскилт ял тăрăхĕн пуçлăхĕн çумĕ.

АУ "Редакция Аликовской районной газеты "По жизненному пути"