08:59 04 декабря 2013 г.
Юнтапари вулавăшра компьютерпа ĕçлеме хăнăхмалли черетлĕ урок иртнĕ. Унăн теми – «РФ патшалăх пулăшăвĕсен порталĕ».
Электронлă правительсво порталĕпе патшалăх тата муниципалитет пулăшăвĕсем çинчен информаци хатĕрлеççĕ, çавăн пекех электрон пулăшăвĕ параççĕ. Асăннă порталпа граждансем электронлă йĕркепе кирек мĕнле пулăшу та, патшалăх тата муниципалитет учрежденийĕсем çинчен информаци илме пултараççĕ.
Компьютерпа ĕçлеме вĕренмелли урок пуриншĕн те усăллă иртнĕ. Урока пынисем порталăн информаци пайĕпе усă курма хăнăхнă. Кунта правăпа норма акчĕсем, ытти документсем, каялла çыхăну адресĕ пур. Ку портал çине тухма çăмăл та ансат.
Урокра ытларах аслă çулсенчи çынсем пулнă, çĕнĕлĕхсемпе çамрăксем те паллашнă.
АУ "Редакция Аликовской районной газеты "По жизненному пути"