Новости » «Старик манпа мĕнле пурнать-ши;»

14:49 28 декабря 2013 г.

Çапла каласа юрларĕ Чăваш телевиденийĕ кăтартнă «Телеюрă» передачăра Янкурас ялĕнче пурăнакан 65 çулхи Зоя Данилова. Кирек мĕн калăр та, ятлаçса-хирĕнсе кун кунличчен юрăпа иртекен пурнăç туллирех те савăнăçлăрах. Ветерансен хорне çÿрекен, чăваш халăх кĕввисене чунтан юратакан Зоя Васильевнăн юррисене ку таранччен килтисем те, районта пурăнакансем те час-часах итлесе савăннă-ха, халĕ вара унăн илемлĕ те уçă сасси республикипе янăрарĕ кăна мар, тулайри чăвашсем патĕнче те тыткăнларĕ. Çамрăкла туйăмпа икĕ юрă шăрантарчĕ кинемей. Районти ветерансен хорĕн солистки ку сумлă передачăра юрлама чăваш çĕр-шывĕнчи паллă юрăçă Ираида Вдовина ячĕллĕ конкурсра пĕрремĕш вырăна тухнăран тивĕçнĕ.

А.ИВАНОВ.

АУ "Редакция Аликовской районной газеты "По жизненному пути"