Новости » Кĕнекепе туслă

08:31 18 января 2014 г.

Кирек хăш класра та пуçарулăхпа палăракан, вĕренÿре аван ĕлкĕрсе пыракансем пур. Чăваш Сурăмĕнчи вăтам шкулта вун пĕрмĕш класра пĕлÿ илекен Арина Андреева тантăшĕсемшĕн ырă тĕслĕх. Хĕрача кашни предметпах лайăх паллăсем илет. Ăс-хакăлне ÿстерес тĕллевпе шкулти, районти олимпиадăсене çулсеренех хутшăнать. Иртнĕ вĕренÿ çулĕнче темиçе предмет олимпиадинче палăрчĕ. Кăçал акă экономикăпа районти ытти шкулсенчи тантăшĕсен йышĕнче чи нумай балл пухрĕ. Вырăс чĕлхипе те призерсен йышне лекрĕ Арина. Спорт çине те пысăк тимлĕх уйăрать. Ăна кура Елена Петровăпа Ирина Ильина тантăшĕсем те хастарлăхпа палăраççĕ.

Л.ГОРДЕЕВА,

Чăваш Сурăм шкулĕн директорĕ.

АУ "Редакция Аликовской районной газеты "По жизненному пути"