Новости » Турниртан - çĕнтерÿпе

08:33 18 января 2014 г.

Кăрлач уйăхĕн 3-5-мĕшĕсенче Шупашкарта 2000-2001 çулсенче çуралнисем хушшинче республикăри боксерсен турнирĕ иртрĕ. Çавăн пекех çамрăк боксерсем пĕрремĕш тренерăн С. Полищукăн парнисемшĕн пынă турнира та хутшăнчĕç. 160 яхăн спортсмен йышĕнче элĕксем те çивĕчлĕхпе, вăй-халĕпе палăрчĕç. Элĕк салинчи Димитрий Матвеев 36 килограмлă виçере иккĕмĕш вырăна тухрĕ, 38,5 килограмлă виçере вара Николай Павлова çĕнтерекен пулмарĕ. Элĕкри Сергей Озеров та пьедесталăн чи çÿллĕ картлашки çине çĕкленчĕ. Вутлан шкулĕнчи Николай Семенов 68 килограмлă виçере иккĕмĕш пулчĕ. Элĕк боксерĕсен команди иккĕмĕш вырăна тивĕçрĕ.

В.ГОРДЕЕВ,

тренер.

АУ "Редакция Аликовской районной газеты "По жизненному пути"