09:58 05 февраля 2014 г.
«Раççей йĕлтĕр йĕрĕ» – хĕллехи ăмăртусенчен чи пĕлтерĕшли. Нарăсăн 2-мĕшĕнче Ехремкасси ялĕнче пурăнакансем те йĕлтĕр çине тăчĕç.
Уява пухăннисене Ехремкасси ял тăрăхĕн депутачĕ Юрий Никандров, ашшĕ-амăшĕсен ячĕпе Раиса Алексеева ăшă сăмахсем каларĕç. Чи малтанах старта шкул ачисем тухрĕç. Егор Петухов, Дима Матвеев, Максим Матвеев, Аня Орлова ăста чупрĕç. Аслисен ушкăнĕнче Максим Никандров палăрчĕ.
Ехремкассисем йĕлтĕрçĕсен ăмăртăвне Сочири XXII хĕллехи Олимп вăййисене халалларĕç.
С.ОРЛОВ.
АУ "Редакция Аликовской районной газеты "По жизненному пути"