Новости » Афганистан асран тухмасть

14:23 15 февраля 2014 г.

Районти тĕп вулавăшра Элĕк шкулĕнчи саккăрмĕш класра вĕренекенсем валли совет çарĕсене Афганистанран илсе тухнăранпа 25 çул çитнине халалласа «Паттăрлăх вырăнĕ – Афганистан» ятпа ятарлă урок иртрĕ. Вĕренекенсем умĕнче воин-интернационалистăн, Афганистанра пулнисен тата инвалидсен союзĕн районти обществăлла организацийĕн председателĕ Валерий Иванов калаçрĕ. Вăл 1965 çулта Лупашка ялĕнче çуралнă. 1982 çулта Крымсарайкăри вăтам шкула пĕтернĕ. Çар службине Афганистанра ирттернĕ. Киле сержант званипе таврăннă.

В.Иванов ачасене Афган вăрçипе салтаксен паттăрлăхĕ пирки тĕплĕн каласа пачĕ, ыйтусем çине хуравларĕ.

Р.ГОРДЕЕВА.

АУ "Редакция Аликовской районной газеты "По жизненному пути"