Новости » Утарçăсем канашларĕç

08:26 19 февраля 2014 г.

Элĕк район администрацийĕн актсен залĕнче хурт-хăмăр ăстисен семинар-канашлăвĕ иртрĕ. Чи малтанах район администрацийĕн пуçлăхĕн пĕрремĕш çумĕ Л.Никитина районăн пĕлтĕрхи социаллă пурнăçпа экономика атланăвĕн кăтартăвĕсемпе паллаштарчĕ. Николай Пирожков зоотехник-консультант районти хурт-хăмăр ăстисене, утарçăсене ĕçри çĕнĕ меслечĕсем çинчен каласа пачĕ. Вăл хăйĕн утарĕнче 200 ытла вĕлле тытать. Çĕрпÿри аграрипе технологи техникумĕн директорĕн çумĕ Геральд Тобоев хурт-хăмăр ăстисене вĕлле хурчĕсенчен пыл çеç мар, ытти усăллă продуктсем те илме май пуррине пĕлтерчĕ. Сăмахран, хурт çăкăрĕ (перга), чечек тусанĕ (пыльца), прополис тата ытти те утарçăсене ăнăçлă ĕçлеме май параççĕ. Семинар-канашлăва хутшăнакансем хăйсене пăшăрхантаракан ыйтусем çине тивĕçлĕ хуравсем тупрĕç.

АУ "Редакция Аликовской районной газеты "По жизненному пути"