16:01 22 марта 2014 г.
Çемьере ача çурални пуриншĕн те савнăç, ырă хыпар. Унăн малашлăхĕ, пурнăçĕ çывăх çыннисенчен нумай килет.
Мартăн 18-мĕшĕнче райадминистрацин ЗАГС пайĕ районта кăçал 50-мĕш ача çуралнине регистрацилерĕ. Элĕкри Евгенийпе Кристина Черновсен Аделия ятлă хĕрача çут тĕнчене килнĕ. Аделия ют чĕлхерен «пархатарлă, тÿрĕ кăмăллă, чыслă» тесе куçать. Черновсен çемйинче вăл пĕрремĕш ача.
Кăçал районта 50-мĕш ачана çурални çинчен свидетельство пани пĕлтĕрхи çак тапхăртипе танлаштарсан маларах пулчĕ. 2013 çулта 50-мĕш ача апрелĕн 16-мĕшĕнче çут тĕнчене килнĕ.
М.НИКОЛАЕВА,
ЗАГС пайĕн начальникĕ.
АУ "Редакция Аликовской районной газеты "По жизненному пути"