07:52 29 марта 2014 г.
Çак кунсенче Матрена Петровна Ордеева тыл ĕçченĕ 90 çул тултарнă. Район администрацийĕн пуçлăхĕ Александр Куликов юбиляра çирĕп сывлăх, вăрăм ĕмĕр, телей суннă, РФ Президенчĕн саламне вуласа панă.
М.Ордеева Тури Вылă ялĕнче кун çути курнă. Ураскилтри чиркÿпе прихут шкулĕнче вĕреннĕ. Вăрçă çулĕсенче аслисемпе тан вăрман каснă çĕрте тăрăшнă. Мăшăрĕпе Никита Николаевичпа Ураскилт салинче пурăннă, сакăр ача çуратса ÿстернĕ. М.Ордеева «Молния» хуçалăхра вăй хунă. Ватăн халĕ 12 мăнукпа 3 кĕçĕн мăнук. Матрена Петровна - тылпа ĕç ветеранĕ. Вăрçă çулĕсенче тăрăшса вăй хунăшăн ăна «1941-1945 çулĕсенчи Тăван çĕр-шывăн аслă вăрçи вăхăтĕнче хастар ĕçленĕшĕн» медальпе чысланă.
АУ "Редакция Аликовской районной газеты "По жизненному пути"