Публикации » Ăсталăха кăтартрĕç

Кăçалхи «Класри чи класли» конкурсăн пĕрремĕш тапхăрĕ январь уйăхĕнче пулчĕ. Унта пурĕ 21 класс ертÿçи хутшăнчĕ. Анчахрах И.Я. Яковлев ячĕллĕ Элĕкри вăтам шкулăн сцени çине чун-чĕрипе тата кăмăлĕпе ырă, пултаруллă, чи лайăх çичĕ вĕрентекен хăпарчĕç. Вĕсем хăйсен педагогикăри пултарулăх ĕçĕнчи ăсталăхне кăтартрĕç. Хăйсен вĕренекенĕсемпе «Эпир те вара!» темăпа сочинени-шухăшлав çырчĕç, ыйтусем çине те хуравларĕç.

Район конкурсĕн çĕнтерÿçисемшĕн çакăнпах ĕç вĕленмерĕ-ха. Феонида Анатольевна Ильинан, Светлана Анатольевна Арсентьеван, Марина Михайловна Леонтьеван район чысне республикăри чи лайăх класс ертÿçисен «Класри чи класли» конкурсĕнче хÿтĕлеме тивет.