22 декабря 2010 г.
Район администрацийĕн пуçлăхĕ Л.А.Читнаев Ехремкасси ял тăрăхĕнчи «Авангард» ял хуçалăх предприятийĕнче тата Юнтапа ял тăрăхĕнчи О.В.Петровăн хресчен-фермер хуçалăхĕнче пулнă.
Леонид Анатольевич «Авангард» хуçалăхри фермăсен çурчĕсене пăхса çÿренĕ. Ку объекта 2011 çулта çĕнетсе урăхлатма палăртнă. Хальхи вăхăтра хуçалăхра 127 пуç сысна, 200 пуç ĕне выльăх, çав шутран сăваканнисем 60 пуç шутланаççĕ. Пĕлтĕрхи çав тапхăртипе танлаштарсан, ĕне выльăх йышĕ 63 процент ÿснĕ. Выльăх апачĕ çителĕклĕ хатĕрленĕ.
О.В.Петров хресчен-фермер хуçалăхĕн тĕп ĕçĕ-хĕлĕ – сыснасем ĕрчетни. Хуçалăхра 203 сысна шутланать. Хальхи вăхăтра фермăн пĕр çурчĕн тăррине улăштарассипе ĕçсем пыраççĕ.