22 декабря 2010 г.
Тимĕрçкасси ялĕнче Никифоровсен туслă çемйи пурăнать. Кил хуçи арăмĕ – Ольга Ильинична вĕрентÿ управленийĕнче бухгалтерта тăрăшать. Унăн мăшăрĕ ĕç вырăнĕсĕр тăрса юлнă пулин те, килте алă усса лармасть. Вячеслав Михайлович ялти чылай арçынсемпе пĕрле ют облаçсене ĕçлеме тухса çÿрет.
Никифоровсем икĕ хĕрпе икĕ ывăла кун-çути парнеленĕ. Вĕсене тивĕçлĕ воспитани парас тесе ырми-канми тăрăшнă. Пурте таса сывă ÿснĕ. Аслă хĕрĕ, Анна, Чăваш патшалăх университетĕнче пĕлÿ пухать. Кĕçĕнни, Альбина, Элĕк шкулĕнче 11 класра вĕренет.
Сашăпа Миша ывăлĕсем сывă пурнăç йĕркине пăхăнаççĕ. Саша ЧПУра вĕренет, Миша халĕ салтакра. Вăл Алтай тăрăхĕнче служба вăхăтне ирттерет.