22 декабря 2010 г.
Республика шайĕнче иртнĕ «Урхамахсем тăраç тапăртатса» интернет-конкурсра тĕрлĕ ÿсĕмри шкул ачисемпе вĕрентекенсем хутшăнчĕç.
«Поэзи» номинацире 6-7-мĕш классенче вĕренекенсенчен Мăн Ямаш шкулĕнче ăс пухакан И.Ильдер пĕрремĕш вырăн, Юнтапа шкулĕнче вĕренекен Е.Майорова виççĕмĕш вырăн çĕнсе илчĕç. 8-9-мĕш классенче вĕренекенсенчен Юнтапари Ю.Федоровăпа (пĕрремĕш вырăн), Вутланти Е.Ильина (иккĕмĕш) маттурисем пулчĕç.
«Проза» номинацире Мăн Ямашра вĕренекен А.Александровăпа Элĕк шкулĕнче вĕренекен Т.Львова виççĕмĕш вырăна пайларĕç. 10-11 классем хушшинче Шĕмшеш шкулĕнчен В.Платонова иккĕмĕш вырăна тивĕçрĕ.
Чăваш чĕлхипе литература вĕрентекенсем те шкул ачисемпе танах конкурсра хастарлăх кăтартрĕç. А.Петрова (Чăваш Сурăм) «Çул çинче» сăвăпа «Поэзи» номинацире, Л.Андреева (Мăн Ямаш) «Куками патне кайса килни» калавпа «Проза» номинацире виççĕмĕш вырăн йышăнчĕç.