12 января 2011 г.
Юнтапари пĕтĕмĕшле пĕлÿ паракан шкул çумĕнче савăнăçлă лару-тăрура каток уçрĕç. Ачасемшĕн тата çамрăксемшĕн пысăк пĕлтерĕшлĕ мероприятие Элĕк район администрациийĕн пуçлăхĕ Л.Читнаев, вĕрентÿ управленийĕн начальникĕ Э.Николаев, район прокурорĕ В.Шоркин хутшăнчĕç. Хăнасем пухăннисене саламласа ăшă сăмахсем каларĕç, спорта юратма тата сывă пурнăç йĕркине тытса пыма ырлăх-сывлăх сунчĕç.
Уяв хаваслă иртрĕ. Элĕк шкулĕнче вĕренекенсемпе Тавăт шкулĕн ачисем çĕнĕ каток çинче хоккейла вылярĕç.
Тавăтсем вăйăра маттуртарах пулчĕç, вĕсем Элĕксене 7:3 шутпа çĕнтерчĕç.
Халĕ каток вăхăта усăллă ирттермелли вырăн пулса тăчĕ.