12 января 2011 г.
Çĕнĕ çул уявĕ умĕн Элĕкри ял тăрăхĕсем хушшинчи культурăпа кану центрĕн сцени çинче «Юр пике шоу» хаваслă конкурс иртрĕ. Унта çичĕ Юр пике хутшăнчĕç. Хаваслă конкурс программи тăватă тапхăрпа иртрĕ: хăйсемпе паллаштарни, пултарулăх номерĕ, апат-çимĕç конкурсĕ тата илемлĕ кĕпесем кăтартни.
Конкурса хутшăнакан Юр пикесем тĕрлĕ номинацисенче çĕнтерÿçĕ ятне илме тивĕçрĕç. Чи асамлă Юр пике – Олеся Павлова, чи хавасли – Марина Свисткова, чи çыпăçулли (грациозная) – Оксана Семенова, чи илĕртÿлли – Инга Стефинова, чăн артист пекки – Инна Афанасьева, чи пултарулли – Татьяна Александрова пулчĕç. Оксана Петрова «Юр пике – ал ăсти» номинацие тивĕçрĕ.
Н.ПЕТРОВА