Публикации » Пирус туртманшăн хавхалантараççĕ

19 января 2011 г.

Районта пирус туртассине хирĕç кĕрешессипе тĕрлĕ мероприятисем иртеççĕ. Кĕрешĕве вара тухтăрсем хăйсенчен пуçланă. Халĕ Элĕк район больницинче те виçĕ тухтăр кăна туртать. Пирус çăвара хыпманнисене вара сывă пурнăç йĕркине суйласа илнĕшĕн укçапа хавхалантарса тăраççĕ.

Ачасем çине те тимлĕх сахал мар уйăраççĕ. Элĕк шкулĕнче пирус туртассине самаях хытарнă. Кунта чи малтан учительсенчен пуçланă. Вĕсен йышĕнче те туртакансем виççĕн кăна тăрса юлнă. Шкул территорийĕнче пачах туртма юрамасть. Туртма пăрахакансен шучĕ ÿснипе ÿсменнине чăннипех никам та калаймасть. Анчах та пирус пĕчĕккĕн модăран тухса пынине сахал мар çын палăртать.

К.БЕЛЕЦКАЯ.