22 января 2011 г.
Ултав çулĕ çине тăни хăçан та пулин пур пĕр çиеле тухать. Анчах çакăн пирки теприсем шутламаççĕ, çавăнпах ĕнтĕ вăрлама хăтланаççĕ.
Юнтапа ял тăрăхне кĕрекен Чулкаçра пурăнакан А. чееленме шут тытнă. Хайхискер çутă вăрлама май тупнă. Электропроводка çумне темиçе электронагреватель сыпăнтарнă. Çак мелпе А. октябрĕн 15-мĕшĕнчен пуçласа декабрĕн 15-мĕшĕччен усă курнă. Çавах та çутă вăрланине тупса палăртма май килнĕ. Çапла майпа Чулкаç çынни «Чувашская энергосбытовая компания» уçă акционерлă обществăна 6669 тенкĕлĕх тăкак кÿнĕ.
РФ УК 165 статйин пĕрремĕш пайĕпе килĕшÿллĕн А-н явап тытма тивет.
Н.ФИЛИППОВ,
шалти ĕçсен пайĕн штаб начальникĕ.